Njoftim për privatësinë dhe kukit
Hyn në fuqi më: 8 nëntor 2026
1. Kush është përgjegjës
Teste Online ofrohet nga Shpejtim Hoxha, i cili është përgjegjës për përpunimin e të dhënave në këtë aplikacion.
Për çdo pyetje rreth të dhënave shkruani te: shpejtimhoxha@gmail.com
Teste Online është një faqe interneti ku mësuesit u caktojnë teste nxënësve të tyre, nxënësit i plotësojnë, dhe mësuesit i shohin rezultatet. Aplikacioni përdoret nga mësues për nxënësit e tyre, ndër ta në Gjimnazin "Hamdi Berisha" në Malishevë. Llogaritë e nxënësve i krijon mësuesi ose administratori. Nxënësi nuk regjistrohet vetë.
2. Cilat të dhëna përpunohen
| Lloji | Çfarë përfshin |
|---|---|
| Llogaria | Emri dhe mbiemri, emri i përdoruesit ose emaili, roli (nxënës, mësues, administrator), a është llogaria aktive, data e krijimit, mësuesi dhe grupi ose klasa. Fjalëkalimi nuk ruhet si tekst, por i koduar në mënyrë që të mos lexohet. |
| Llogaria e mësuesit | Edhe afati i abonimit në shërbim. |
| Caktimet | Cilat teste i janë caktuar nxënësit dhe kush ia caktoi. |
| Gjatë testit | Përgjigjet e ruajtura, koha kur nisi testi, ndalimet e kohës dhe hera e fundit kur faqja ishte aktive. |
| Rezultatet | Pikët, përqindja, nota, a kaloi nxënësi, data, hollësitë e detyrave dhe përgjigjet. Te testet iSpring, hollësitë mund të përfshijnë tekstin e pyetjeve, përgjigjet e sakta dhe përgjigjet e nxënësit. Ruhet edhe nëse testi u anulua, arsyeja, dhe nëse rezultati u zëvendësua me ritestim. |
| Shënimet e mësuesit | Arsyeja e anulimit, paralajmërimet që mësuesi i dërgon nxënësit, dhe shënimi për ritestimin, të cilin nxënësi nuk e sheh. |
| Mbrojtja e testit | Largimet nga faqja e testit dhe sa zgjatën, shtypja e Print Screen, hapja e një paneli anësor, paralajmërimet, bllokimet, zhbllokimet dhe kodi i orës që u shkrua. Te telefoni ose tableti ruhet edhe sa kohë ekrani nuk u prek dhe a mbahej ekrani ndezur. Ruhet edhe lloji i pajisjes dhe i shfletuesit. |
| Kyçja dhe siguria | Numri i tentimeve të gabuara për hyrje, teksti i shkruar si emër përdoruesi te një tentim i gabuar, adresa IP kur ka tentime të gabuara, dhe një numër i rastit i pajisjes për kodin e orës. |
| Të dhëna teknike | Mesazhe gabimesh të serverit, pa përmbajtjen e kërkesës. Cloudflare, si ofrues i shërbimit, përpunon adresën IP dhe të dhëna të lidhjes që faqet të arrijnë te pajisja juaj. |
Aplikacioni nuk ka fusha të veçanta për datëlindje, adresë banimi, numër telefoni ose të dhëna të prindërve. Testet nuk kërkojnë emailin e nxënësit dhe nuk dërgojnë raporte me email. Faqet e aplikacionit nuk ngarkojnë skripte reklamash ose analitike nga të tretët.
3. Për çfarë përdoren dhe mbi çfarë baze
Përpunimi bëhet në përputhje me Ligjin Nr. 06/L-082 për Mbrojtjen e të Dhënave Personale.
| Qëllimi | Baza |
|---|---|
| Hyrja në llogari, caktimi i testeve, ruajtja e përgjigjeve, llogaritja e pikëve dhe notës, shfaqja e rezultateve | Realizimi i mësimit dhe i vlerësimit të nxënësve, që është detyrë e mësimdhënësit sipas rregullave të arsimit |
| Mbrojtja e testit | Interesi i ligjshëm që vlerësimi të jetë i ndershëm dhe i barabartë për të gjithë |
| Kufizimi i tentimeve të gabuara dhe siguria e llogarive | Interesi i ligjshëm për mbrojtjen e llogarive dhe të të dhënave |
| Administrimi i llogarive dhe i abonimit të mësuesve | Marrëdhënia me mësuesin që e përdor shërbimin |
Ky përpunim nuk mbështetet te pëlqimi.
4. Kush i sheh të dhënat
- Nxënësi: llogarinë e vet, testet e veta, pikët dhe notën. Te testet me hapa, hollësitë e detyrave pas dorëzimit nuk i shfaqen nxënësit.
- Mësuesi: nxënësit e vet dhe rezultatet e tyre te testet që i ka vetë, bashkë me historikun e mbrojtjes dhe numrin e tentimeve të gabuara për hyrje. Adresat IP nuk i shfaqen.
- Administratori i aplikacionit, Shpejtim Hoxha: të gjitha llogaritë dhe rezultatet, dhe mund t'i eksportojë rezultatet.
- Cloudflare, Inc.: aplikacioni dhe baza e të dhënave funksionojnë në shërbimet e saj Cloudflare Pages dhe D1. Cloudflare vepron si ofrues teknik i shërbimit, sipas kushteve të veta.
Të dhënat nuk përdoren për reklama dhe nuk u jepen palëve të tjera, përveç kur këtë e kërkon ligji.
5. Mbrojtja e testit dhe vendimet automatike
Gjatë testeve me mbrojtje, faqja vëren kur nxënësi largohet prej saj. Mësuesi e cakton sa sekonda falen dhe sa paralajmërime ka para bllokimit. Në fillim të testit nxënësi sheh një mesazh me rregullat.
Disa gjëra ndodhin vetë, pa veprim të mësuesit:
- Testi bllokohet kur kalohet numri i paralajmërimeve. E zhbllokon vetëm mësuesi.
- Testi i bllokuar që nuk zhbllokohet deri në fund të kohës mbyllet dhe merr notën më të ulët.
- Testi iSpring i padorëzuar shënohet "Pa dorëzuar" me notën më të ulët.
- Testi me hapa i padorëzuar dorëzohet vetë, me përgjigjet e ruajtura.
- Pikët llogariten automatikisht.
Nëse nxënësi ose prindi mendon se një vendim i tillë është i gabuar, mund t'i drejtohet mësuesit, i cili e shqyrton dhe mund të japë ritestim. Mund të shkruhet edhe te emaili në pikën 1.
6. Politika e kukive
Aplikacioni përdor vetëm kuki të domosdoshme për funksionimin e tij. Nuk përdoren kuki reklamash ose analitike, prandaj për to nuk kërkohet pëlqim.
| Emri | Kategoria | Për çfarë shërben | Sa zgjat |
|---|---|---|---|
sess | E domosdoshme | Mban të kyçur nxënësin ose mësuesin | 12 orë për nxënësin, 7 ditë për mësuesin |
asess | E domosdoshme | Mban të kyçur administratorin | 12 orë |
tdev | E domosdoshme | Numër i rastit i pajisjes, për kodin e orës | 1 vit |
Në shfletues mbahen edhe: kopja e përgjigjeve të testit derisa të dorëzohet, radha e ngjarjeve të mbrojtjes, progresi i testeve iSpring, dhe te mësuesi disa cilësime e skica të testeve. Te kompjuterët e përbashkët, duhet dalë nga llogaria pas testit.
7. Sa kohë ruhen
| Të dhënat | Afati |
|---|---|
| Rezultatet dhe hollësitë e tyre | 2 vjet nga data e testit |
| Historiku i mbrojtjes së testit | Deri në fund të vitit shkollor |
| Tentimet e gabuara për hyrje | Deri në 30 ditë |
| Përgjigjet gjatë testit | Deri në dorëzim. Pas dorëzimit mbeten te rezultati |
| Llogaritë | Derisa nxënësi ose mësuesi të mos e përdorë më aplikacionin |
| Kopjet teknike të bazës te Cloudflare | Deri në 30 ditë pas fshirjes |
Fshirjen e bëjnë mësuesi ose administratori.
8. Ku ruhen
Të dhënat ruhen te Cloudflare. Baza e të dhënave aktualisht ndodhet në rajonin e Evropës Lindore. Cloudflare është kompani me seli në Shtetet e Bashkuara dhe kërkesat mund të kalojnë përmes rrjetit të saj në vende të ndryshme.
9. Si mbrohen
Fjalëkalimet ruhen të koduara, lidhja me faqen është e enkriptuar, dhe çdo kërkesë kontrollohet në server sipas rolit të përdoruesit. Asnjë sistem nuk është plotësisht i sigurt.
10. Të drejtat tuaja
Keni të drejtë të kërkoni:
- informacion se çfarë të dhënash përpunohen për ju;
- një kopje të tyre;
- korrigjimin e të dhënave të pasakta;
- fshirjen ose kufizimin e përpunimit, kur ligji e lejon;
- të kundërshtoni përpunimin;
- që një vendim automatik të shqyrtohet nga një njeri.
Prindi ose kujdestari mund t'i ushtrojë këto të drejta për nxënësin e mitur. Kërkesat dërgohen te emaili në pikën 1.
Nëse mendoni se të drejtat tuaja janë shkelur, mund të ankoheni te Agjencia për Informim dhe Privatësi (AIP): info.aip@rks-gov.net
11. Ndryshimet e këtij njoftimi
Kur ky njoftim ndryshon, versioni i ri vendoset në këtë faqe dhe data në krye përditësohet.